Kuml Songtext
von Vetur

Sjávarkló hrifsar til sín jörð
Opnar einmana kuml í firði
Hafrót haugfé dreifir
Bein og silfur falla til botns

Í róti hafsins bein sameinast
Í hefndarglóð bein styrkjast
Áhrínsorð vekja til lífs
Úr prísund laus
Tíminn hvarf í jörðu
Undir álögum bölbæna
Kuml, prísund í óvígðri mold
Úr faðmi Ægis það rís


Í bústað grimmdar
Tilvera í mótsögn við lífið
Neitað um sæti við hlið Heljar
Surtareldur í augum
Hefndarþorsti rífur áfram
Yfir grjót og urð
Ferðast með myrkur í hjarta
Djöfull með morð í huga

Sifjar fyrri alda þurrkaðar út
Fyrir syndir forfeðra
Sifjar fyrri alda þurrkaðar út
Fyrir syndir forfeðra
Miskunn ei gefin

Á meðan klettar molnuðu
Óx lífsins þrá í beinum
Af mold ertu kominn
Að mold skaltu aftur verða
Dauðinn skildi hann eftir í ómerktri gröf

Eitt af öðru falla þau fyrir hendi illsku
Sálir rifnar úr öskrandi líkömum
Bein klæðast holdi og blóði
Nú skal ekkert standa í vegi hans
Aldir í prísund tóku sinn toll
Sturlaður af hefnd hann reis


Skilur eftir blóði drifna slóð
Með hefndarþorsta í för
Skilur eftir blóði drifna slóð
Með hefndarþorsta í för
Miskunn ei gefin

Eitt af öðru þau falla
Sifjar þeirra er grófu hann lifandi í jörð
Hefndarþorstinn slökktur
Fjölskyldur og ættir þurrkaðar út
Í faðm jarðar hann sekkur
Sést ei meir