Rasenmäher Songtext
von Troglauer Buam

Samstag fria und i bin längst wach
Schau kurz aufn Wecker, es is kurz vor hoibe Acht
Jetz aber schnell, an Kaffee und dann weg
Gfrei mi scho auf des wos in meim Schuppen drinna steht
Die Kühlerhaubn glänzt wiara frisch geölter Blitz
Turbolader, Breitreifen und Recaro-Sitz
Ed-Hardy-Duftbeimerl, V8, diefaglegt
Der Bremsfallschirm is hinterm Mähwerk dran versteckt

Die Vorfreude is riesengroß
I lass die Kistn o
Mei Nachbarn san jetz wach
I woas wieso!


I und mei Rasenmäher san die besten
Mia reitn durchn Garten wie im wilden Westen
Und kimmt der Sheriff daher und will mei Tüv-Plakettn sehn
Tipp i kurz aufs Gas und lassn stehn
Gehts um mein Rasenmäher bin i eitel
Vo meine Sicherheitsschua nauf zum Scheitel
I hob den heissesten Ofen, und a jeder woas genau
Den best gepflegten Rasen in Troglau

Mei Nachbar schimpft, sei Morgenmantel zuckt
"A so a Sauerei, sag malt denn du verruckt?
Hast du überhaupt a Ahnung was fürn Lärm die Schüssel macht?
Scher di runter von deim Hobl, aber flott, guade Nacht"
I schau eam noch, er schwanzelt so davo
Einglich hod er recht und i bin ja ned a so
I bin a Pazifist, und i kann des a versteh
Doch beleidigt er mei Kistn, da hammer a Problem

Sei Goatntürl, des bremst mi kaum
Es fliang die Fetzen nur
I presch durch sein Salat
Und ruaf eam zua

Neilich Ohmd, da is passiert, die Vernunft hat mi verlassn
In voller Fahrt, es war so sche, schiaß i naus auf d′Straßn
Auf der Autobahn, bei hunderachzg, da blitzt ein Starenkastl
Das Mähwerk grollt, der Mast fällt um, I werd a Vogelhaus draus bastlen!

Oooooeo - aufm Punkt genau 4 Zentimeter
Oooooeo – völlig akkurat