Hageholz West Songtext
von Stereo Luchs

Chlises Schiff uf de grüene Wiese
Stolze chline Captain ich lueg der zue bim spiele
Nur du die ganzi crew, so vill verschiedni Stimme
Din eigne Film, alles möglich deht ine
S′isch es guets Boot worde, bin zfriede
Zweimaster, d'Sägel stimmed, s′Rueder trüllt
Ich has baut, du häsch gstuunt mit glänzige Pupille
Jetz grad bitzli Wind ide Siedlig

Sägle wiit wiit wiit
Ganz wiit use (wiit use)
Cruise mitem Wind und ich hoff das alles findsch wod suechsch
Und no vill meh, deht usse
Sägle wiit wiit wit
Ganz wiit use (wiit use)
Cruise mitem Wind und ich hoff das alles findsch wod suechsch
S'warted uf dich, deht usse


Chlises Schiff uf de grüene Wiese
Din Finger id Luft, lueg e 747
Spüre churz mis Gnick wenn ich min Chopf trüle
Paarmal Glück gha bim Schaffe uf de Schiene
Han es guets Läbe gha, du startisch dis ersch mit chline Schritt
Alles neu, jede Schritt für dich en riesige
Alles neu, dini Welt wird nüm die glichi si
Hoff ich gseh no vill vo dinere
Bin mal gsi wie du, mal gsi wie du
Chline captain ufre grüene Wiese
Vor langem gsi wie du, jetzt lueg der zue bim spiele
Und s'Hageholz raucht immerno da hine

Sägle wiit wiit wiit
Ganz wiit use (wiit use)
Cruise mitem Wind und ich hoff das alles findsch wod suechsch
Und no vill meh, deht usse
Sägle wiit wiit wit
Ganz wiit use (wiit use)
Cruise mitem Wind und ich hoff das alles findsch wod suechsch
S′warted uf dich, deht usse