He Taxi Songtext
von Sigi Maron

Üwan Morkt fohrt da Wind
Treibt den Staub in de Augn
Blost den Taubn de Federn auf
Streichlt an Stodtbaunwaggon
Vur da Bar auf da Strossn
Schwimmt a Zeidung im Dreck
De staubign Schuach
Gengan ihrn staubign Weg
Sirenen heuln im
Chor durch de Stodt
Und Mopeds krasn
Ums Amalienbod

He Taxi, he Taxi bleib stehn
Fiah mi dorthin wo de Wunda passiern
He Taxi, he Taxi bleib stehn
Sunst geh i weida mei Gurgl schmiern


Von da Sunn de goidnen Pfeu
Strafn aund Woiknfliagl
Da weisse Hai dasauft
In mein zwanzigstn Kriagl
Vur da Bar auf da Strossn
Schwimmt a Zeidung im Dreck
De staubign Schuach
Gengan ihrn staubign Weg
Mit Bremsspurn im Hirn
Geh i schwaunkend durch d′Stodt
Und rund ummadum
Ums Amalienbod

He Taxi, he Taxi bleib stehn
Fiah mi dorthin wo de Wunda passiern
He Taxi, he Taxi bleib stehn
Sunst geh i weida mei Gurgl schmiern

Da Tog bindt si a Maskn um
Und geht für imma furt
De Nocht winkt mit da Floschn Rum
Dem Hai in mein Bluat
Vur da Bar auf da Strossn
Schwimmt a Zeidung im Dreck
Da Staub von meine Schuach
Der geht sein eiganen Weg
De ziddadn Händ
Dawiagn de gaunze Stodt
Und den weissn Hai
Im Amalienbod


He Taxi, he Taxi bleib stehn
Fiah mi duathin wo de Wunda passiern
He Taxi, he Taxi bleib stehn
Und bitte daschlogts doch den Ratz in mein Hirn

He Taxi, he Taxi bleib stehn
Fiah mi duathin wo de Wunda passiern
He Taxi, he Taxi bleib stehn
Und bitte daschlogts doch den Ratz in mein Hirn