Chuttu Pakkala Songtext
von S. P. Balasubrahmanyam

చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా
చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా
కళ్ళ ముందు కటిక నిజం
కానలేని గుడ్డి జపం
సాధించదు ఏ పరమార్ధం
బ్రతుకును కానీయకు వ్యర్ధం
సాధించదు ఏ పరమార్ధం
బ్రతుకును కానీయకు వ్యర్ధం

చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా


స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూస్తూ జాలి లేని శిలవైనావు
కరుణను మరిపించేదా చదువు సంస్కారం అంటే
గుండె బండగా మార్చేదా సంప్రదాయమంటే
కరుణను మరిపించేదా చదువు సంస్కారం అంటే
గుండె బండగా మార్చేదా సంప్రదాయమంటే

చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా

నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు ఈ సమాజమే మలిచింది
రుణం తీర్చు తరుణం వస్తే తప్పించుకు పోతున్నావా
తెప్ప తగలబెట్టేస్తావా యేరు దాటగానే
రుణం తీర్చు తరుణం వస్తే తప్పించుకు పోతున్నావా
తెప్ప తగలబెట్టేస్తావా యేరు దాటగానే

చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా
కళ్ళ ముందు కటిక నిజం
కానలేని గుడ్డి జపం
సాధించదు ఏ పరమార్ధం
బ్రతుకును కానీయకు వ్యర్ధం

చుట్టూ పక్కల చూడరా చిన్న వాడా
చుక్కలో చూపు చిక్కుకున్నవాడా