Mapiyarafnesh Songtext
von Mohammed Fouad

مبيعرفنيش غير لما الدنيا بتيجي عليه
مبيعرفنيش غير لما الأيام تجرح فيه
طول عمري معاه ع الدنيا يا قلبي وع الأيام
ضحيتله كتير ولا عمري في مره ضحيت بيه

مبيعرفنيش غير لما بس يحس بخوف
يرجعلي أوام مكسوف قال يعني وش كسوف
لا ده اللي يعيش في الدنيا يا قلبي ياما يشوف
ناس مش بتقدر مهما عشانهم نعمل إيه

اللي إستحملته كتير وفي وقت الشده أنا شلته
اللي إستحملته ياما على حساب نفسي جاملته
وأعمل إيه تاني معاه أكتر من اللي عملته
بإيديه أنا ضعت وليه دلوقتي حليت في عينيه
حليت في عينيه

كان قلبي على نياته معاه مبيحسبهاش
وده كان في القسوة وكان في الغدر ميتوصاش
ده الواحد قد معاش في حاجات بتعدي عليه
ومحدش كده في الدنيا بيتعلم ببلاش


دي غريبة الدنيا وغريب حال البني أدمين
ليه الغاليين بيبانوا في الآخر مش غاليين
معقول في ناس علشان نفسها غيرها يموت
وفي ناس بتموت وتعيش غيرها ناس تانيين

اللي إستحملته كتير وفي وقت الشده أنا شلته
اللي إستحملته ياما على حساب نفسي جاملته
وأعمل إيه، تاني معاه أكتر من اللي عملته
بإيديه أنا ضعت وليه دلوقتي حليت في عينيه
حليت في عينيه

مبيعرفنيش غير لما بس يحس بخوف
يرجعلي أوام مكسوف قال يعني وش كسوف
لا ده اللي يعيش في الدنيا يا قلبي ياما يشوف
ناس مش بتقدر مهما عشانهم نعمل إيه

اللي إستحملته كتير وفي وقت الشده أنا شلته
اللي إستحملته ياما على حساب نفسي جاملته
وأعمل إيه، تاني معاه أكتر من اللي عملته
بإيديه أنا ضعت وليه دلوقتي حليت في عينيه
حليت في عينيه