Palomma 'e mare Songtext
von La Maschera

N′ auciello me guardava a capa 'a
sotto, era matina e ′o nonno mio pescava.
Ma chisà comm' 'a lenza, ′int′ a 'na botta,
s′arravugliaje a 'nu pesce che vulava.
Nun sapevo che dicere quando isso,
felice p′ 'o trufeo appena vinciuto,
dicette "Robè, chesta è cosa ′e lusso!
Fa brodo e p' 'o tirà che c′è vulute".
"Perciò mo piglià ′o sicchio cu' l′auciello
e tuornatenn' a casa aumm′ aumm'"
′A nonna s'aspettava orate e stelle
e je m'appresentaje cu′ ′nu palumbo...
Ohi palummè...
ca pe' vulà ′ncuntraste 'a malasciorta,
fà cunto ca nisciuno ha visto niente,
je mo t′arap' ′a cella
però cerca 'e te stà accorta... usa 'e cervella!
E invece tu


te firmi affianco a me pe′ ′na jurnata,
comm' a chi è schiavo ′a primm' ′e essere nato,
comm' a ′nu popolo senza catene
e 'nnamurato d' ′o padrone.
Mo ca ce penso, je e te ce assumigliamme
e comm′ a nuje sapisse quanta gente
rimane 'ncarcerata o more ′e famme
pecchè piglia pe' buono ′o malamente...
Ohi palummè...
ca pe' vulà ′ncuntraste 'a malasciorta,
fà cunto ca nisciuno ha visto niente,
je mo t'arap′ ′a cella
però cerca 'e te stà accorta... usa ′e cervella!
E invece tu
te firmi affianco a me pe' ′na jurnata,
comm' a chi è schiavo ′a primm' 'e essere nato,
comm′ a ′nu popolo senza catene
e 'nnamurato d′ 'o padrone.