Nebel Songtext
von AUT of ORDA

Die Sunn geht auf und i schnauf, weil in mir geht′s langsam unter
I bin drauf und i bin dran mi zu verlieren
Do passt nur amoi kurz net auf - Prack, is's Sonntag
Ois is zua und I muass wieder funktionieren

Genier di, weil du wieder irgendwos versprochen host
Genier di, weil du′s kurz danach schon wieder brochen host
Verlier di, weil Verlierer eh nix anders drauf hobn
Ignorier mi, weil i recht hob, kannst du eh nix drauf sogn

Die Sunn, sie steht und i tua mi weit, weit, weiter weg
Ois vergeht mit der Zeit, nur mei Leid, Leid, leider net
Auf der Flucht in die Sucht, bin a feig, feig, feiger Depp
Der mittels Mittel vermittelt, weil's Mittel heiligt den Dreck

Und i dämpf mi aus und i bau ma ein
Ois, um net mit mir allan zu sein
Knebel mi im Nebel bis i
Nix mehr waß und nix mehr g'spiar
Die Sicht auf jede Pflicht verlier′
I moch nix her, drum moch i mi hin


Die Sunn geht unter und i waß i geh′s mit ihr
A schworze Nocht ziagt auf und i ziag auf mit ihr
Sie nimmt mei Haund und flüstert gaunz, gaunz leise "Kumm
Dort wo wir zwa hingeh'n, brauch ma gor koa Sunn"

Genier mi, weil i waß, dass i so weitermochn werd′
Genier mi, weil i gengan Teifl jede Nocht verlier'
Genier mi, weil vom ganzen Blenden i verblendet bin
Ignorier di, weil ois taub is, mocht des olles eh kan Sinn

Und I blos mi weg und i richt mi her
Die Nasen voll, oba is Herz so leer
Knebel mi im Nebel bis i
Nix mehr waß und nix mehr g′spiar
I brich ma's G′nack, oba nie aus aus mir
I moch nix her, drum moch i mi hin

Genier mi, weil mi jeder Abend vergiftet
Genier mi, weil i waß, dass Nadel verpflichtet
Wie oft hob I mi schon belog'n, dass i nix mehr nimm
I hob olles außer Grenzen zog'n: Fixtermin


I dämpf mi aus und i bau ma ein
Ois, um net mit mir allan zu sein
Knebel mi im Nebel bis i
Nix mehr waß und nix mehr g′spiar
Die Sicht auf jede Pflicht verlier′
I moch nix her, drum moch i mi hin