Missverständnis Songtext
von Mani Matter

Wi me sech doch mängisch missversteit
I ha gmeint, i heig ihm dütlech gseit
Was i will dass är mer ist hus spedier
Jitz scheckt dä statt ere Bratwurscht es Klavier.

Nid dass gägs Klavier ig öppis hätt
Nei, ou es Klavier isch an sich nätt
Aber zo Salat, Rötschti um ne Bier
Nimmt me doch e Bratwurscht, keis Klavier.


I wott gwöss ned stur sy, s′lit mer färn
Teil hei vilicht bratwürscht gar ned gärn
Trotzdäm wär e Mönsch vor ner sältner gier
Nähmt er statt er Bratworscht es Klavier.

Zuggä, dass sech Bratwurscht ned empfihlt
Wenn mä gärn e Chopin-Walzer spilt
Ja vilicht för das nämmt i allwäg schier
Lieber als ä Bratwurscht - es Klavier.

Aber i ha honger i wärn gärn satt
Setze vor mir Röschti mit Salat
Chätsche da derzue zwösche zwe Schlöck Bier
Luschtlos are Taschte vom Klavier.