Ballade (Lied zum Film "Dällebach Kari") Songtext
von Mani Matter

S′isch einisch eine gsy, dä het vo früech ah drunder glitte,
Das ihn die Andre geng uusglachet hei.
Am Aafang het er grännet, het sech mit de Andre gschtritte,
S'nütz nüt, das isch ja nume was si wei.


Wenns Mänge truurig macht, wo d′Lüt sech luschtig drüber mache,
S'het sälte eine luschtig gmacht wie dä.
Är het sech gseit: "Nu guet, we dir so gärn ab mir düet lache",
"I will nech jitze Grund zum Lache gä".

Und är isch häregange und het aafah Witze rysse,
Das d'Lüt sech itze d′Büüch vor Lache gha.
Het Witze gmacht wo chutzele und Witze gmacht wo bysse,
Und het ke Antwort ohni Antwort gla.

Und i däm grosse Glächter wos het gä ab sine Witze,
Isch ihn uuszlache keim i Sinn me cho.
Da het är all die Lacher i däm Glächter inn la sitze,
Und het sech himmel-truurig z′Läbe gnoh.