Filo mia Songtext
von Esperanto Desperado

Filo mia, tro longe for de mi
Ho, mi sopiras al vi
Filo mia, tro longe for de mi
Ho, mi amas vin
Sed dum la nokto, kiam mi vidas la plenlunon
Mi scias, ke vi ankaŭ vidas ĝin
Kaj tiam, filo mia, mi sentas vin proksima
Kaj en sonĝo mi kisas vin


Sed de tempo al tempo okazas, ke mi estas
Tiom longe for de vi
Ke kiam noktas ĉe mi
La suno brilas ĉe vi
Kaj mi scias, ke ni tute ne samtempe povas vidi
Dum la nokto nian lunon
Kaj tiam, filo mia, mi sentas vin eĉ pli
Malproksime for de mi

Sed nun mi festas kun bonaj amikoj
Kaj dancas ĝis frumaten′
Sed subite estas tro da festo kaj da vino
Muziko kaj virino
Kaj mi volas iri hejmen al vi
Kaj tiam, mia filo, mi prenas aviadilon
Kaj mi flugas hejmen al vi
Ja, tuj mi flugas hejmen al vi