Ti te se no Songtext
von Enzo Jannacci

Ti te sè no, perchè te vee minga in gir
Che per fà la spesa per mi;
Perchè ghe voeur mezz′ora e a 'rivà
Giò in piazza del Dòmm ghe voeuren dù tram.

Ma mì, quand hinn vòtt or, tornà a cà de bottega,
Scondi la cartèlla cont denter i mè strasc
Me lassi la giacchetta come te m′hee dii tì,
Cammini per Milan, me par de vess un scior.


Ti te sè no, gh'è tanti automobil
De tucc i color, de tucc i grandezz,
Gh'è pien de lus che par vess a Natal
E sora el ciel, pien de bigliett de milla.

Che bel ch′el gh′ha de vess, vess sciori, cont la radio noeuva,
E in de l'armadio la torta per i fioeu,
Che vegnen cà de scòla te tocca dagh i vizi:
Per tì on′altra vestina, a tì te compri i scarp.

Ti te sè no, ma quest chì l'è on parlà de stupid,
L′è bon domà de traa ciocch;
Ti te sè no, ma quand mì te carezzi
La tua bella faccetta inscì netta


Me par, me par de vess un scior, un scior ch'el gh′ha la radio noeuva,
E in de l'armadio la torta per i fioeu,
Che vegnen cà de scòla te tocca dagh i vizi:
Per tì on'altra vestina, a tì te compri i scarp.